ЕС заклікаў беларускія ўлады растлумачыць прычыны затрымання Алеся Бяляцкага
Вярхоўны прадстаўнік ЕС па замежных справах і палітыцы бяспекі Кэтрын Эштан заклікала беларускія ўлады неадкладна растлумачыць прычыны затрымання праваабаронцы Алеся Бяляцкага.Пра гэта гаворыцца ў заяве Эштан, размешчанай на сайце Еўрапейскай службы знешнепалітычнай дзейнасці.
Дыпламат выказала занепакоенасць затрыманнем «выбітнога праваабаронцы» і тым фактам, што прыватнае жыллё Бяляцкага «было абшуканае дзяржаўнымі службамі бяспекі».
«Вярхоўны прадстаўнік зноў заяўляе пра сваё глыбокае шкадаванне адносна неаднаразовых актаў запалохвання і ўціску мірных праваабаронцаў у Беларусі, а таксама адносна працягу адмаўленняў у прадастаўленні юрыдычнага статусу незалежным праваабарончым арганізацыям у краіне», — гаворыцца ў заяве.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі12
Каментары