Сорак пяць хвілінаў доўжылася сёння ў Гомелі «маўклівая» акцыя пратэсту.Крыху больш за дзясятак маладых людзей сабраліся ля фантану, што побач з цыркам, каб абмяняцца апошнімі навінамі.
«Гэтым разам мы не стаялі, а сядзелі на лаўках. Побач стаялі спецназаўцы, ажыўлена размаўлялі й часта смяяліся. Аператар у атачэнні сілавікоў у цывільным здымаў нас на відэа», — паведаміў адзін з удзельнікаў акцыі.
Прыкладна праз сорак пяць хвілінаў удзельнікі «маўклівай» акцыі падняліся і рушылі да прыпынка «Фабрыка 8 Сакавіка». Іх суправаджалі два спецназаўцы. На прыпынку ўдзельнікі купкамі разышліся ў розныя бакі. Інфармацыі пра затрыманні не паступала.
Гомель, бадай, застаўся адзіным горадам у краіне, дзе працягваюцца «маўклівыя» акцыі.Яны нешматлікія, але на іх рэагуюць міліцыя й спецслужбы.
Напярэдадні сённяшняй акцыі чацвёра невядомых бандытаў напалі на заўсёднага ўдзельніка акцыі Віталя Пратасевіча, калі ён вяртаўся з працы дадому. Збіты Віталь сёння знаходзіўся на бальнічным і на акцыю не прыйшоў.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі7
Каментары