Пенсіянер 1954 года нараджэння і яго былая сужыцелька, якая прыкладна на 20 гадоў маладзейшая за яго, сустрэліся ў горадзе і вырашылі разам правесці час, паведамілі Intex-press ва УУС Брэсцкага аблвыканкама.
Мужчына даў жанчыне ключы ад кватэры. Потым яны разам выпівалі. А праз некалькі дзён гаспадар кватэры выявіў, што ў яго прапала пенсійнае пасведчанне. І напісаў заяву ў міліцыю.
Яго сяброўка не стала адмаўляць, што пасведчанне ўзяла яна. Але патлумачыла, што яе мэтай было не само пасведчанне (яго яна выкінула ў сметніцу на вуліцы), а дзесяць даляраў, якія ляжалі ў ім.
Пасведчанне пакуль не знайшлі.
Следчым камітэтам распачата крымінальная справа па артыкуле 378 КК Беларусі «Крадзеж альбо знішчэнне асабістых дакументаў». Ён прадугледжвае пакаранне ад папраўчых работ або штрафу да пазбаўлення волі.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары