Цягнік з прэмʼер-міністрам Польшчы Матэвушам Маравецкім, віцэ-прэмʼерам Яраславам Качыньскім і прэмʼер-міністрамі Славеніі і Чэхіі ўжо перасек польска-украінскую мяжу і накіроўваецца ў Кіеў, паведаміў кіраўнік канцылярыі прэмʼер-міністра Польшчы Міхал Дворчык.
Ён таксама распавёў, што візіт рыхтаваўся шмат дзён, але захоўваўся ў строгай таямніцы.
«На версальскім саміце былі прынятыя прынцыповыя рашэнні адносна паездкі ва Украіну. Тады прэм’ер-міністр Польшчы Маравецкі ў каардынацыі з віцэ-прэм’ерам Качыньскім падрыхтаваў гэты візіт, які сёння пачынаецца. Мы не можам дазволіць расіянам працягваць гэтую злачынную дзейнасць ва Украіне», ‒ сказаў Дворчык.
Таксама польскі палітык паведаміў, што ў Кіеве запланаваная сумесная канферэнцыя прэмʼер-міністраў Польшчы, Чэхіі, Славеніі і Украіны. Акрамя моцнага сігналу аб падтрымцы з боку ўсяго Еўрасаюза ваюючай Украіны, кіраўнікі ўрадаў прадставяць пакет канкрэтнай падтрымкі.
Каментары