Улады Эстоніі дазволяць афіцыйна працаваць беларусам і расіянам, якія прыехалі ў краіну, атрымаўшы гуманітарныя візы. Пра гэта паведамляецца на сайце эстонскага ўрада.
Такім людзям будуць выдаваць візы для працы, прадпрымальніцкай дзейнасці і тэрміновыя віды на жыхарства. Таксама ў Эстоніі змогуць працаваць акрэдытаваныя МЗС расійскія і беларускія журналісты.
Візы з гуманітарных меркаванняў грамадзянам Беларусі і Расіі выдаюць у выпадку, калі вяртанне на радзіму можа пагражаць іх жыццю і здароўю.
У пачатку красавіка Святлана Ціханоўская зрабіла візіт у Эстонію, каб вырашыць праблемы міграцыі беларусаў і працы беларускага бізнэсу. Сярод іншага на сустрэчы з кіраўніком МЗС Эстоніі Евай-Марыяй Ліймэтс якраз і абмяркоўвалася пытанне выдачы візаў і е-рэзідэнцтва для беларусаў у Эстоніі.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе22
Каментары