Папулізм у дзеянні: Лукашэнка дазволіў украінцам збіраць ягады на Альманскіх балотах, хоць яго пра гэта не прасілі
Украінцам, якія жывуць у Сарненскім раёне Ровенскай вобласці, дазволяць наведваць заказнік «Альманскія балоты» на беларускай тэрыторыі для збору дзікарослых ягад. Адмыслова падкрэсліваецца, што рашэнне прынятае Лукашэнкам «нягледзячы на адсутнасць падобнага запыту з украінскага боку», улічваючы «прамую залежнасць узроўню жыцця многіх жыхароў прыгранічных рэгіёнаў суседняй краіны ад нарыхтоўкі і далейшай рэалізацыі дзікарослых ягад, сабраных на беларускай тэрыторыі», паведамляе Дзяржпагранкамітэт.
З 1 ліпеня ўкраінцы змогуць перасякаць украінска-беларускую мяжу пешшу або на роварах у месцах спрошчанага пропуску «Мутвіца», «Хінічаў», «Селішча». Яны будуць працаваць з 1 ліпеня да 10 жніўня з 6 да 22 гадзін і з 1 верасня да 15 лістапада з 7 да 20 гадзін. З улікам умоў надвор'я тэрміны могуць быць змененыя.
Для перасячэння мяжы грамадзяне Украіны павінны мець папяровы пашпарт (пластыкавая картка не падыходзіць), даведку з «сельскага выканкама» з фота і пячаткай, выдадзены Дзяржпагранкамітэтам пропуск, квітанцыю аб аплаце пошліны за наведванне заказніка (320 рублёў).
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары