У Лідзе падпалкоўнік збіваў салдат тэрміновай службы за тое, што яны дрэнна працавалі на ягоным лецішчы
Афіцэра ў выніку судзілі за перавышэнне ўлады.
Падпалкоўнік служыў у адной з вайсковых часцей на пасадзе начальніка фізічнай падрыхтоўкі і спорту.
З 7 чэрвеня 2021 года па 9 кастрычніка 2023 года ён у загадным парадку адпраўляў салдат тэрміновай службы працаваць на яго лецішчы — займацца будаўніцтвам і працаваць на ўчастку. Акрамя таго, ён даручыў салдатам падрыхтаваць ягонае аўто да афарбоўкі. За няякасную, на ягоную думку, працу падпалкоўнік салдат збіваў, паведамляе «Лідская газета».
У судзе афіцэр прызнаў, што выкарыстоўваў працу салдат тэрміновай службы на сваім лецішчы, аднак адмаўляў, што біў іх.
Суд Лідскага раёна прызнаў мужчыну вінаватым у перавышэнні ўлады, спалучаным з гвалтам, і прысудзіў яго да чатырох гадоў калоніі і штрафу ў памеры 12 тысяч рублёў.
Акрамя таго, яго пазбавілі звання і забаранілі займаць кіраўнічыя пасады тэрмінам на 5 гадоў.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі7
Каментары