Міністр унутраных справаў Украіны Арсен Авакаў распавёў журналістам 5 лютага падрабязнасці расследавання забойстваў на Майдане ў Кіеве ў студзені мінулага года.
«Зараз пра сітуацыю з «чорнай ротай» «Беркута», — распавёў Авакаў. — Яна такая: ёсць забітыя людзі — насупраць стаяла падраздзяленне «Беркута», якое страляла. Вызначыць, хто страляў, і чыёй куляй каго забіла — гэта вельмі складаная задача і экспертыза. Яны спалілі ўсе дакументы, каму якая выдавалася зброю. Некаторая зброя імі знішчана, частку яны спецыяльна перадалі ў Крым. У яго складзе [Беркута], умоўна кажучы, ёсць 20 чалавек. З іх 8 арыштавана, 10 — у бягах. Далей пачнуцца цяжкія экспертызы, якія пакажуць, з чыёй зброі быў забіты канкрэтны чалавек. Возьмем забойства Нігаяна, Жызнеўскага і Сеніка.
Іх забілі з помпавай стрэльбы, якая страляе гумавымі кулямі. Як гэта было зроблена: засунулі туды металічную кулю — і стрэлілі. Мы разумеем, што гэта, хутчэй за ўсё, «Форт-500», які знаходзіўся тады на ўзбраенні Унутраных войскаў.
Агледзелі ўсе гэтыя стрэльбы, выявілі, што металізацыя ў рулі ёсць у такой колькасці … Потым робіцца аналіз ствала і аналіз кулі…
Па кулі, што забіла Жызнеўскага, праведзена ўжо 700 экспертыз. І, хутчэй за ўсё, прыйдзецца правесці яшчэ паўтары тысячы, — зазначыў Авакаў.
.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары