Навукоўцы: Прагляду карцінак з коцікамі недастаткова, трэба рэальны кантакт
Даследчыкі Універсітэта Вашынгтон правялі эксперымент, падчас якога высветлілі, на працягу якога часу неабходна гладзіць ката, каб супакоіцца і перастаць стрэсаваць, піша Interfax.by.
Навукоўцы сфармавалі чатыры групы добраахвотнікаў. Удзельнікі першай групы гладзілі катоў, другой — глядзелі на тое, як гладзяць катоў, трэцяй — глядзелі на карцінкі з катамі, чацвёртай — адпачывалі ў пакоі без катоў.
У выніку аказалася, што толькі ва ўдзельнікаў першай групы было зафіксавана значнае зніжэнне ўзроўню картызолу (гармона стрэсу). У другой і трэцяй груп картызол знізіўся, але не істотна.
Даследнікі адзначылі, што стрэс ў паддоследных пачаў зніжацца, праз усяго толькі 15 хвілін пасля пачатку эксперыменту. Яны адзначылі, што задавальненне ад працэсу атрымліваюць, як людзі, так і жывёлы.
Каментары