У Брэсце праціўніка акумулятарнага завода аштрафавалі на 540 рублёў за непадпарадкаванне міліцыі
20 базавых велічынь (540 рублёў) штрафу атрымаў праціўнік акумулятарнага завода Віталь Казак за непадпарадкаванне супрацоўнікам міліцыі, паведаміў TUT.BY праваабаронца Раман Кісляк.
8—10 мая ў Брэсце перад чарговай нядзельнай сустрэчай праціўнікаў акумулятарнага завода на плошчы Леніна затрымалі восем актывістаў і двух праваабаронцаў. Сярод затрыманых быў і Віталь Казак. Як пазначана ў пратаколе, пры затрыманні ён аказаў супраціўленне супрацоўнікам міліцыі.
— 5 чэрвеня яго прызналі вінаватым і прызначылі 20 базавых велічынь штрафу, — паведаміў Раман Кісляк.
У мінулым месяцы Віталя Казака судзілі двойчы. 12 мая яго аштрафавалі на 30 базавых велічынь (810 рублёў) за ўдзел у акцыі ў Брэсце супраць завода. Пасля суда і абвяшчэння пастановы яго зноў затрымалі і 14 мая зноў аштрафавалі на 80 базавых велічынь (2160 рублёў) за ўдзел у акцыі праціўнікаў завода 12 красавіка, а таксама за сустрэчу 2 мая ў Брэсце з гомельскім блогерам Сяргеем Ціханоўскім.
Каментары