З Onliner сыходзіць галоўны рэдактар. Звальняюцца і журналісты
Мікалай Казловіч, які апошнія гады быў галоўным рэдактарам Onliner, абвясціў, што пакідае працу. Частка журналістаў таксама пакідае каманду. Грамадска-палітычных навінаў на партале будзе яшчэ менш.
У развітальным паведамленні Казловіч паведаміў, што сыходзіць у афлайн на перазагрузку. Цяпер галоўным рэдактарам будзе Мікалай Градзюшка, які шмат гадоў працуе ў Onliner, а да гэтага працаваў у дзяржаўнай газеце «Рэспубліка». Казловіч прышоў у Onliner дзесяць гадоў таму з «Савецкай Беларусіі».
Onliner — апошняе буйное незалежнае анлайн-медыя ў Беларусі, якое мае статус СМІ. Партал асвятляў масавыя акцыі пратэсту, аднак апошнія месяцы палітычных навінаў амаль не засталося. У найбліжэйшы час іх стане яшчэ менш.
Каментары